आदि शंकराचार्य द्वारा रचित काशीपंचकम्‌

आदि शंकराचार्य द्वारा रचित काशीपंचकम्‌

मनोनिवृत्ति: परमोपशान्ति: सा तीर्थवर्या मणिकर्णिका च।

ज्ञानप्रवाहा विमलादिगंगा सा काशिकाSहं निजबोधरूपा।।1

यस्यामिदं कल्पितमिन्द्रजालं चराचरं भाति मनोविलासम्।

सच्चित्सुखैका परमात्मरूपा सा काशिकाSहं निजबोधरूपा।।2

कोशेषु पञ्चस्वधिराजमाना बुद्धिर्भवानी प्रतिदेहगेहम्।

साक्षी शिव: सर्वगतोSन्तरात्मा सा काशिकाSहं निजबोधरूपा।।3

काश्या हि काशते काशी काशी सर्वप्रकाशिका।

सा काशी विदिता येन तेन प्राप्ता हि काशिका।।4

काशीक्षेत्रं शरीरं त्रिभुवनजननी व्यापिनी ज्ञानगंगा भक्ति: श्रद्धा गयेयं निजगुरुचरणध्यानयोग: प्रयाग:।

विश्वेशोSयं तुरीय: सकलजनमन:साक्षिभूतोSन्तरात्मा देहे सर्वं मदीये यदि वसति पुनस्तीर्थमन्यत्किमस्ति।।5।